سندھ مدرستہ الاسلام یونیورسٹی میں پاکستان انسٹی ٹیوٹ فار پیس سٹڈیز کی جانب سے آزادی اظہار کے عنوان سے سماجی امن اور ہم آہنگی پر ایک روزہ ورکشاپ منعقد ہوئی،
کراچی:(اسٹاف رپورٹر) محمد حنین امین اور محمد شہروز تقریب کے مہمان خصوصی تھے،ورکشاپ کے آغاز میں میزبان ندا اکرم نے ورکشاپ کے اغراض و مقاصد کی وضاحت کی محمد حنین امین نے کہا کہ اظہار رائے کی آزادی ہر انسان کا بنیادی قانونی اور آئینی حق ہے جس سے سب کو لطف اندوز ہونا چاہیے لیکن بدقسمتی سے اظہار رائے کی آزادی پر بہت سی پابندیاں ہیں۔ محمد شہروز نے کہا کہ آزادی اظہار وہاں سے شروع ہوتی ہے جہاں اسے دبایا جاتا ہے انہوں نے کہا کہ وہ بین المذاہب ہم آہنگی اور اظہار رائے کی آزادی پر کام کرنے والی این جی او کا بھی حصہ ہیں۔ ورکشاپ میں مختلف سرگرمیاں کی گئیں۔ طلباء کو مختلف گروپس میں تقسیم کیا گیا اور طلباء نے مختلف ڈرامے بھی پیش کیے۔ پروگرام کے اختتام پر طلباء میں انعامات تقسیم کیے گئے اور مہمانوں کو شیلڈز بھی پیش کی گئیں،
