شعیب ملک نے میونسپل کمشنر ڈی ایم سی ایسٹ کی حیثیت سے چارج سنبھال لیا
افسران وملازمین دفتری اوقات کار کی پابندی کو یقینی بنائیں
کراچی:(اسٹاف رپورٹر) شعیب ملک نے میونسپل کمشنر ڈی ایم سی ایسٹ کی حیثیت سے چارج سنبھال لیا ہےاس موقع پر انہوں نے ہدایت جاری کرتے ہوئے کہا کہ افسران وملازمین دفتری اوقات کار کی پابندی کو یقینی بنائیں، کورونا ایس اوپیز کی پابندی کو یقینی بناتے ہوئے بائیو میٹرک سسٹم کے ذریعے ملازمین کی حاضریوں کو یقینی بنایا جائے، ضلع شرقی کو بہتری کی جانب گامزن کرنے کیلئے ہر ممکن کردار ادا کیا جائے گا،میونسپل کمشنر ڈی ایم سی ایسٹ شعیب ملک کی صدارت میں ڈی ایم سی ایسٹ کے افسران کا اجلاس بدھ کو منعقد ہوگا اس تعارفی اجلاس میں میونسپل کمشنر ایسٹ ضلع شرقی کی بہتری کے حوالے سے پالیسی وضع کریں گے.