سرکاری ونجی سطح پر پہلا تھری ڈی پارک تیزی سے تکمیل کی جانب گامزن
چئیرمین بلدیہ شرقی معید انور کی جدت پسندی ضلع شرقی کو خوبصورت بنا رہی ہے
(نمائندہ، سید محبوب احمد چشتی) چئیرمین بلدیہ شرقی معید انور کی کوششوں سے اب ڈی ایم سی ایسٹ سرکاری ونجی سطح پر پہلے تھری ڈی پارک کی تعمیر میں مصروف ہے جو تیزی سے تکمیلی مراحل میں داخل ہو رہا ہے بشارت پارک لائینز ایریا پریڈی اسٹریٹ کو تھری ڈی پارک میں تبدیل کیا جا رہا ہے جو کہ تباہ حالی کا شکار تھا چئیرمین بلدیہ شرقی کی کوششوں سے اب اس پارک میں تزئین وآرائش کے کام کے ساتھ تھری ڈی پارک کی سہولیات سے آراستہ کیا جا رہا ہے پارک کی دیواروں پر تھری ڈی تصاویر نصب کی جارہی ہیں جو جلد ہی تعمیر کے بعد کھول دیا جائے گا چئیرمین بلدیہ شرقی معید انور نے کہا ہے کہ جو بھی وسائل دستیاب ہیں اس میں سہولیات پہنچانے کے ساتھ تفریحی سرگرمیوں کو جدید دور کے تقاضوں سے ہم آہنگ کرنے کی کوشش کی ہے تھری ڈی پارک اس میں منفرد اضافہ ہوگا.