اعلی عدلیہ کے احکامات پر ضلع شرقی میں تجاوزات کیخلاف کاروائیاں
یونیورسٹی روڈ پرتجاوزات کیخلاف گرینڈ آپریشن
نیپایونیورسٹی روڈ سے جیل روڈ فلائ اوور تک دونوں سائیڈز سے سینکڑوں تجاوزات کا خاتمہ کر دیا گیا
کراچی:(اسٹاف رپورٹر) اعلی عدلیہ کے احکامات پر ایڈمنسٹریٹر بلدیہ شرقی رحمت اللہ شیخ اور میونسپل کمشنر فہیم خان کی ہدایت پر تجاوزات کیخلاف گرینڈ آپریشن کے دوران نیپا یونیورسٹی روڈ سے جیل روڈ فلائ اوور تک دونوں اطراف سے تجاوزات کیخلاف گرینڈ آپریشن کے دوران سینکڑوں تجاوزات کا خاتمہ کردیا گیا ہے آپریشن کے دوران مووایبل تجاوزات کے خاتمے کے ساتھ پکی تعمیرات کو بھی مسمار کیا گیا جس کے بعد مذکورہ مقامات پر تجاوزات ختم کرنے کے بعد صورتحال بہتر بنادی گئ ہے مذکورہ آپریشن ایڈیشنل ڈائریکٹر سہیل صادق، ڈپٹی ڈائریکٹر عبدالواحد شیخ ودیگر کی نگرانی میں سر انجام دیا گیا، تجاوزات کے خاتمے کے بعد مکینوں نے راستے صاف ہونے کے بعد ایڈمنسٹریٹر بلدیہ شرقی رحمت اللہ شیخ، میونسپل کمشنر فہیم خان اور محکمہ انسداد تجاوزات بلدیہ شرقی کی ٹیم کو زبردست الفاظ میں سراہتے ہوئے کہا کہ مذکورہ مقامات پر تجاوزات کی موجودگی کی وجہ سے پیدل چلنا دشوار ہوگیا تھا تجاوزات کے خاتمے کے بعد مذکورہ مقامات بہتر ہوچکے ہیں انہوں نے گزارش کی کہ اس حوالے سے کاروائیوں کو جاری رکھا جائے تاکہ تجاوزات کے دوبارہ قائم ہونے کے امکانات نہ رہیں.
