بچوں اور بزرگوں کی صحت کا خیال رکھنے کے لئے معاشرے میں کوئی مناسب انتظام نہیں۔فاطمہ خلفان
وی کیئر میں رہائش پذیر بے گھر افراد ہمارے فیملی ممبرز کی طرح ہیں ادارے میں اُن کی صحت سمیت تمام امور کا بھر پور خیال رکھا جاتا ہے۔شہزاد خان
وی کیئر سوشل ویلفیئر سوائٹی کے تحت اولڈ ایج ہومز میں صحت اور صحت مند ماحول کے حوالے سے آگاہی سیمینار کا انعقاد
کراچی:(اسٹاف رپورٹر) وی کیئر ویلفیئر سوسائٹی کے زیر اہتمام پاکستان کی تاریخ میں پہلی بار اولڈ ایج ہومز میں رہائش پذیر بے سہارا بزرگوں کی صحت اور صحت مند ماحول کے حوالے سے آگاہی سے متعلق سیمینار کا انعقاد کیا گیا جس میں بزرگوں کو معار ذندگی بہتر بنا نے سے متعلق معلومات کی فراہمی تھا کیونکہ ہمارے معاشرے میں خاص طور پر نو عمر اور عمر رسیدہ لوگوں کی صحت کا خیال رکھنے کے لئے کوئی مناسب انتظام نہیں ہے لیکن وی کیئر 2011ء سے اس پروگرام پر کام کررہی ہے خصوصاً50سال عمر تک کے افراد تک اپنی خدمات بہ احسن طریقے سے انجام دے رہی اور اُن تک صحت سے متعلق معلومات کی فراہمی کو یقینی بنا رہی ہے ان خیا لات کا اظہار وی کیئر سوشل ویلفیئر سوسائٹی کی روح رواں فاطمہ خلفان نے سیمینار سے خطاب کرتے ہوئے کیا انہوں نے بتا یا کہ وی کیئر شیلٹر ہوم میں صحت سے متعلق آگاہی کے لئے فری میڈیکل کیمپ کا انعقاد تواتر کے ساتھ کیا جاتا ہے اس موقع پر وی کیئر کے جنرل سیکریٹری شہزاد خان نے کہاکہ وی کیئر اپنے شیلٹر ہوم میں رہائش پذیر بے سہارا لوگوں کو ہر ممکن سہولیات کی فراہمی کو یقینی بنا رہی ہے شیلٹر ہوم میں موجود افراد ہمارے فیملی ممبرز ہیں ہم ان کی صحت کے ساتھ کھیلوں کی تقریبات کا بھی انعقاد کرتے رہے ہیں بچوں میں صحت کے ساتھ ساتھ تعلیم ہماری اولین ترجیحات میں شامل ہے انہوں نے کہاکہ اس نیک کاز میں سندھ حکومت بھی ہماری بھر پور مدد کررہی ہے انہوں نے کہاکہ وی کیئے تمام امور کی انجام دہی بلا رنگ و نسل و مذہب انجام دیتی ہے اس موقع پر انہوں نے کہاکہ جو افراد و ادارے ہماری اس مشن میں تعاون اور رہنمائی کررہے ہیں ہم ان کا تہہ دل سے مشکور ہیں۔
