جامعہ این ای ڈی میں انٹری ٹیسٹ کا انعقاد،2022 کے تعلیمی سال کاآغاز 17 اکتوبر سے کیا جائے گا

0
84
شیخ الجامعہ این ای ڈی پروفیسر ڈاکٹر سروش حشمت لودھی، ڈین پروفیسر ڈاکٹر عامر اقبال اور ڈپٹی رجسٹرار مخدوم خالد ہاشمی انٹری ٹیسٹ 2022 کا دورہ کرتے ہوئے

جامعہ این ای ڈی میں انٹری ٹیسٹ کا انعقاد،2022 کے تعلیمی سال کاآغاز 17 اکتوبر سے کیا جائے گا
کراچی:(اسٹاف رپورٹر)این ای ڈی یونی ورسٹی آف انجینئرنگ اینڈ ٹیکنالوجی کے تحت انٹری ٹیسٹ کے پہلے سیشن کا انعقاد 30جولائی تا 3اگست کیا جارہا ہے جب کہ 3اگست کو ٹیسٹ کے پہلے مرحلے کے نتائج کا اعلان کردیا جائے گا۔معین الجامعہ پروفیسر ڈاکٹر محمد طفیل کے مطابق اس بار بھی پچھلی بار کی طرح دو مرتبہ انٹری ٹیسٹ لینے کا مقصد زیادہ سے زیادہ طالب علموں کو سہولت دینا ہے۔حالیہ ٹیسٹ میں کراچی کے 5766امیدواروں سمیت قریباً آٹھ ہزار سات سو چالیس طالبِ علموں کی شرکت متوقع ہے۔جامعہ ترجمان کے مطابق طالب ِ علموں کے لیے ایس او پیز کے تحت ماسک پہننا،اپنے سینیٹائزراور پانی کی بوتل ساتھ لانالازمی ہے۔ کووڈ 19کے پیش نظر، سماجی فاصلوں کا خیال رکھتے ہوئے یہ ٹیسٹ صبح 9بجے سے شام 6بجے تک 4شفٹوں میں لیا جارہا ہے۔ ٹیسٹ کی ایک نشست 800 طالب علموں پر مشتمل ہے۔ ٹیسٹ میں طلبا کی تعداد 6006 جب کہ 2734 طالبات کی شرکت متوقع ہے۔یاد رہے کہ جامعہ کی 2218 ریگولر اور 631سیلف سیٹوں بالشمول تھرانسٹی ٹیوٹ آف انجینئرنگ، سائنسز اینڈ ٹیکنالوجی کی 69اور 21سیلف فنانس سیٹوں کے لیے یہ انٹری ٹیسٹ منعقد کیاجارہا ہے۔ٹیسٹ کی میرٹ لسٹ 5ستمبر کو آویزاں کی جائے گی جب کہ ٹیسٹ کے دونوں سیشن مکمل ہونے کے بعد کامیاب امیدواروں کے انٹرویوز لیے جائیں گے۔ یادرہے کہ 22اگست تا 26اگست دوسرے سیشن کا دورانیہ ہوگا جب کہ26اگست کی شام ہی دوسرے ٹیسٹ کے نتائج کا اعلان کردیا جائے گا۔ ممکنہ طور پر سال2022 کے این ای ڈی یونی ورسٹی کے تعلیمی سال کا آغاز 17 اکتوبر سے کیا جائے گا۔

LEAVE A REPLY

Please enter your comment!
Please enter your name here