علیگڑھ مسلم یونیورسٹی اولڈ بوائز ایسوسی ایشن کے وفد کی گورنر سندھ سے ملاقات
کراچی:(اسٹاف رپورٹر)علیگڑھ مسلم یونیورسٹی اولڈ بوائز ایسوسی ایشن کے 4 رکنی وفد نے گورنر ہاءوس میں صوبہ سندھ کے گورنر عمران اسماعیل سے ملاقات کی ۔ وفد کے اراکین میں ایسوسی ایشن کے صدر جاوید انوار، نائب صدر کموڈور (ر) سلیم صدیقی، جنرل سیکریٹری محمد ارشد خان اور ایگزیکیٹو ممبر فرخ نظامی شامل تھے ۔
ملاقات کا مقصد حکومت اور تعلیمی اداروں کے مابین خلیج کو کم کرکے خوشگوار تعلقات کو فروغ دینا اور تعلیمی سرگرمیوں کو مضبوط بنانا تھا ۔ اس کے علاوہ تمام اسٹیک ہولڈرز کے مابین تعاون اور تفہیم کی فضاء قائم کرکے تعلیمی و تدریسی سرگرمیوں میں اضافہ کرنا بھی شامل تھا ۔
گورنر سندھ نے اپنے تعاون کی یقین دہانی کراتے ہوئے دو طرفہ تعلقات کو بہتر بنانے پر زور دیا ۔ انہوں نے اعلیٰ معیارکی تدریسی خدمات کے حوالے سے سرسید یونیورسٹی کے با اثر اور نمایاں کردار کو سراہا ۔