میٹرک بورڈ، امتحانی مراکز کا سامان جاری کرنے کامکمل شیڈول جاری

0
163

میٹرک بورڈ، امتحانی مراکز کا سامان جاری کرنے کامکمل شیڈول جاری
بورڈ سے الحاق شدہ اسکول کووڈ 19 کے باعث مکمل ایس او پیز کا خیال رکھتے ہوئے بورڈآفس آئیں
کراچی:(اسٹاف رپورٹر) ثانوی تعلیمی بورڈکراچی نے 5جولائی 2021سے شروع ہونے والے سالانہ امتحانات جماعت نہم و دہم سائنس اور جنر ل گروپ ریگولرو پرائیویٹ کے امتحانی مراکز کے سامان کا مکمل شیڈول جاری کر دیا ہے۔ انہوں نے کہا کہ اسکولوں کے سربراہان یا ان کے مجاز نمائندے اپنے شناختی کارڈ کی فوٹو کاپی، آفس کارڈ اور اتھارٹی لیٹر کے ہمراہ مقررہ تاریخوں میں میٹرک بورڈکے ایگزامینشن اسٹور سے صبح ساڑھے9بجے سے شام 4بجے تک جبکہ ہفتے کو 10بجے سے 1بجے تک دی گئی تاریخوں کے مطابق امتحانی مراکز کا سامان حاصل کر سکتے ہیں۔ بورڈ سے الحاق شدہ اسکولوں کو ہدایت دی جاتی ہے کہ وہ کووڈ19 کے باعث مکمل ایس او پیز کا خیال رکھتے ہوئے بورڈ آفس آئیں۔ تفصیلات کے مطابق 24 جون کو نیو کراچی، نارتھ ناظم آباد، گلبرگ، لیاقت آباد۔25جون کوجمشید ٹاؤن، گلشن اقبال۔26جون کو شا ہ فیصل، لانڈھی، ملیر، بن قاسم۔28جون کو کورنگی، صدر، لیاری اور 29جون کو کیماڑی، بلدیہ، سائٹ، اورنگی اور گڈاپ حاصل کر سکتے ہیں۔

LEAVE A REPLY

Please enter your comment!
Please enter your name here