میٹرک بورڈ،سالانہ امتحانات 2025 کے آن لائن ایڈمٹ کارڈ جاری کرنے کا اعلان
بورڈ کے آفیشل پورٹل سے اسکول سربراہان طلباء و طالبات کے ایڈمٹ کارڈ ڈائون لوڈکر سکتے ہیں
پرائیویٹ امیدواروں کے ایڈمٹ کارڈ ان کے دیئے گئے رہائشی پتوں پر ارسال کر دیئے گئے ہیں، ناظم امتحانات
کراچی:(اسٹاف رپورٹر) ثانوی تعلیمی بورڈنے 8اپریل سے شروع ہونے والے سالانہ امتحانات2025 جماعت نہم و دہم ریگولر و پرائیویٹ طلباء و طالبات کے آن لائن ایڈمٹ کارڈ جاری کرنے کا اعلان کر دیا ہے۔ناظم امتحانات ظہیر الدین بھٹو نے بورڈ سے الحاق شدہ گورنمنٹ اور پرائیویٹ اسکولوں کو آگاہ کیا ہے تمام اسکول بورڈ کے آفیشل پورٹل پر اپنا اسکول کوڈ اور پاس ورڈ ڈال کر اپنے اپنے اسکولوں کے طلباء وطالبات کے آن لائن ایڈمٹ کارڈ ڈاؤن لوڈ کر سکتے ہیں۔پرائیویٹ امیدواروں کے ایڈمٹ کارڈ ان کے دیئے گئے رہائشی پتوں پر ارسال کر دیئے گئے ہیں۔