بزم تاجیہ امجدیہ (رجسٹرڈ) انٹرنیشنل کے وجاہت علی شاہ تاجی کی قیادت میں دارالصحت ہسپتال اور لیاقت کالج آف میڈیکل اینڈ ڈینٹسٹری کے چیئرمین عامر ولی الدین چشتی سے ملاقات کی۔
کراچی:(اسٹاف رپورٹر) بزم تاجیہ امجدیہ (رجسٹرڈ) انٹرنیشنل کے وفد نے گدی نشین و سربراہ بزم تاجیہ امجدیہ قاضی سید میر وجاہت علی شاہ تاجی کی قیادت میں دارالصحت ہسپتال اور لیاقت کالج آف میڈیکل اینڈ ڈینٹسٹری کے چیئرمین عامر ولی الدین چشتی سے ملاقات کی۔ جس میں ہم نے بزم کی جانب سے ریفر کئے جانے والے مستحق مریضوں کا مفت علاج کرنے کے حوالے سے بات کی جسے اُنہوں نے فوری منظور کرتے ہوئے احکامات صادر فرمائے۔ اور ہماری اس بات کو گورننگ بورڈ کے اجلاس میں بھی پیش کرنے کا یقین دلایا۔ عامر ولی الدین چشتی نے کہا کہ بزم تاجیہ امجدیہ انسانیت کی خدمت کےلئے بہت اچھے کام کررہی ہے اُس کے ساتھ تعاون کرنا ہمارے لئے فخر کی بات ہے۔ دارالصحت ہسپتال میں ویسے بھی نادار اور مستحقین کی خدمت کےلئے پیش پیش رہتا ہے،مگر بزم تاجیہ امجدیہ کی جانب سے ریفر کئے جانے والے مریضوں کو ہم پہلی فرصت میں علاج و معالجہ کی سہولیات فراہم کریں گے۔ اس ملاقات میں بزم تاجیہ امجدیہ امریکہ کے انچارج نوید قاضی بھی موجود تھے۔